2016 жылы елорданың 4500-ге жуық тұрғыны санаториялық-курорттық ем-дом алды
6 Қаңтар, 2017 10:19
Өткен жылы Астанада санаториялық-курорттық ем-доммен 4464 адам қамтылды, соның ішінде 1956 зейнеткер, 290 ҰОС ардагері және оларға теңестірілген тұлғалар, және мүмкіндігі шектеулі 2218 адам бар, деп хабарлады қала әкімдігінің ресми сайты.
Еске салсақ, жеке оңалту бағдарламасына сәйкес елордалық Жұмыспен қамту, еңбек және әлеуметтік қорғау басқармасы Қатаркөл көлінің жағасындағы Щучинск-Бурабай курорттық аймағында орналасқанҚарттарға, мүгедектерге және мүгедек балаларға арналған оңалту орталығында тегін санаториялық-курорттық ем-дом көрсетеді.
Әлеуметтік көмек жолдама құнының 35%-ын төлеумен жасы бойынша зейнеткерлерге (47 250 теңге), жолдама құнының 25%-ын төлеумен ең төмен мөлшердегі зейнетақы алушылар санынан жасы бойынша зейнеткерлерге (33 750 теңге) ұсынылады.
