Мәжіліс депутаты Қапшағай балық өңдеу зауытында болды

Мәжілісте хабарлағандай, зауыттың бас директоры Бақытжан Мұсанов депутатты кәсіпорын жұмысымен таныстырып, жұмыс цехтарын және өндіріс процесін көрсетті.

Еңбек ұжымымен кездесу барысында Ерлан Барлыбаев «Ақ жол» парламенттік фракциясының қызметі, кәсіпкерлерді қолдау жұмысы туралы айтып, жұмысшылардың сұрақтарына жауап берді.

Алматы облысында балық және теңіз өнімдерін өңдеу зауыты 2009 жылдың жазында ашылған болатын. Осы жобаны іске асырудың басты мақсаты – ішкі нарықты қымбат емес балық өніміне толтыру және оның Еуропа елдеріне жеткізілуін реттеу. Қазіргі уақытта кәсіпорын 150-ге жуық адам жұмыс істейтін 4 цехтан тұрады.