• Басты
  • Қазақстандықтар тұрғылықты жері бойынша 20 минутта тіркеле алады - Сәрсенова

Қазақстандықтар тұрғылықты жері бойынша 20 минутта тіркеле алады - Сәрсенова

4 Қаңтар, 2017 19:52
Қазақстандықтар кез келген ХҚКО-да тұрғылықты жері бойынша 20 минутта тіркеле алады, деп хабарлады ҚР ІІМ Көші-қон департаменті бастығының орынбасары Галина Сәрсенова Орталық коммуникациялар қызметінде өткен баспасөз конференциясы барысында.

Осы ретте тіркелетін адамның және тұрғын үй иесінің қатысуы немесе сенімхат қажет.

"Қолданыстағы заңнама азаматтардың тұрғылықты жері бойынша міндеттерін көздейді. Мұндай міндет «Халықтың көші-қоны туралы» заңда белгіленген. Тіркеусіз тұрғаны үшін әкімшілік жауапкершілік белгіленген», - деп атап өтті Г. Сәрсенова.  

Бұл ретте пәтер иелерінің азаматардың тіркеусіз пәтерлерінде тұрғаны үшін әкімшілік жауапкершілігі енгізілген (493-баптың 5-,6-б.). «Мұндай қадам «резеңке пәтерлер» проблемаларын шешуге ғана мүмкіндік бермейді, сонымен бірге тіркеусіз тұру проблемасын шешеді деп сенеміз»,- деп айтты Г. Сәрсенова.

Азаматтарды тіркеудің басты мақсаты – ішкі көші-қон процестеріне мониторинг, аумақтардың мемлекеттік және өңірлік даму бағдарламаларын әзірлеу кезінде әрбір елді мекен санын білу үшін есеп жүргізу. Осы есептердің негізінде жұмыс орындарын құру, мектеп, аурухана салу, инженерлік-техникалық инфрақұрылымды дамыту жоспарланады.

Салық, әскери және өзге де есептер жүргізілетін заңды мекенжайлары  олардың тіркеу орны болып табылады.

Бұл ретте, тіркеу институты еркін жүріп-тұру құқығын шектемейді және оның халықаралық тәжірибеге сәйкес келеді. Тұрғындардың есебін жүргізудің осындай және басқа да түрі көптеген мемлекеттерде әлеуметтік және экономикалық саясатты жоспарлауға негіз болатындай етіп жүргізіледі.

Барлық жаңалықтар