ҚР-да 2013 жылы автокөліктердің 13 пайызы техникалық байқаудан өтпей қалды - ККМ

11 Желтоқсан, 2013 16:45

2013 жылы 2,1 млн автокөлік техникалық байқауға ұсынылса бірінші рет тексерістен 278,8 мың көлік байқаудан өтпей қалды, деп Көлік және коммуникация министрлігінің баспасөз қызметі хабарлады.

«2013 жылы бірінші айналым тексерісінен 278,8 мың автокөлік өтпедіОның ішінде 253,7 мың жеңіл көлік, 17,2 мың жүк көлігі болса, 7,8 мың автобус», - делінген хабарламада.

Техникалық байқауды өткені туралы жасанды куәліктерді өткізу фактілері бойынша барлық материалдар іс жүргізу шешімдерін қабылдау үшін құқық қорғау органдарына жіберілді. Қазіргі уақытта жасанды куәліктер бланктерін өткізген тұлғаларға қылмыстық іс қозғау үшін тергеу істері жүргізілуде.

ҚР Қылмыстық кодексінің 325 бабына сәйкес жалған құжаттарды қолдан жасағаны және өткізгені үшін екi жылдан төрт жылға дейiнгi мерзiмге бас бостандығынан айыруға жазаланатыны туралы еске салған жөн.

Қазір автокөлік кұралының техникалық байқаудан өту нәтижелері онлайн режимде ҚР Көлік және коммуникация министрлігінің «Техникалық байқау» бірыңғай ақпараттық жүйесіне түседі, содан кейін ҚР Ішкі істер министрлігінің деректер қорына автоматты түрде жіберіледі.

Барлық жаңалықтар