• Басты
  • ҚР Дін істері және азаматтық қоғам министрлігі БАӘ-мен қарым-қатынастарды реттеуде
30 Желтоқсан, 2016 09:48

ҚР Дін істері және азаматтық қоғам министрлігі БАӘ-мен қарым-қатынастарды реттеуде

Мемлекет басшысы Нұрсұлтан Назарбаевтың Біріккен Араб Әмірліктеріне ресми сапарына дайындық аясында дін істері және азаматтық қоғам министрі Нұрлан Ермекбаевтың осы елге жұмыс сапары өтті.
ҚР Дін істері және азаматтық қоғам министрлігі БАӘ-мен қарым-қатынастарды реттеуде

Министрлікте хабарлағандай, сапар аясында БАӘ Ислам және вакуфтар істері агенттігінің Төрағасы Мухаммед Матар Салем аль-Каабимен, БАӘ Толеранттылық жөніндегі мемлекеттік министрінің міндетін атқарушы Рашид ат-Танейджи мырзамен, сондай-ақ зорлық экстремизмге қарсы күрес жөніндегі «Хедая» халықаралық орталығының атқарушы директоры Максуд Круз мырзамен кездесулер өткізілді.  

Тараптар екі елдің көшбасшылары Нұрсұлтан Назарбаев пен шейх Халиф бен Заид Аль Нахаян арасындағы достық қарым-қатынастар негізіндегі екіжақты ынтымақтастықтың жоғары деңгейін атап өтті.

Кездесулер барысында мемлекет пен діни бірлестіктердің өзара іс-қимылы, діни қызметті реттеу, мәдениетаралық және конфессияаралық диалогты қамтамасыз ету мәселелері талқыланды. Діни экстремизмнің алдын алу мәселелері бойынша пікір алмасу өтті.

Министр БАӘ үкіметі қабылдаған ұлттық толеранттылық бағдарламасын, толеранттылық кеңесі мен орталығын құру, Әмірліктерде ұлттық немесе діни белгілер бойынша кемсітушілікке төзбеушілік атмосферасын қалыптастыру бойынша шараларды оң бағалады.

Н. Ермекбаев «Хедая» халықаралық орталығында болған кезде әлемдік аренада іске асырылып жатқан зорлық экстремизмге қарсы іс-қимыл жасау жөніндегі тиімді бағдарламаларды, сондай-ақ оларды үкіметтік емес секторды іске асыруға тартудың озық практикасын оң жағынан атап өтті. Көптеген елдерде өзін оң жағынан көрсеткен осы ұйыммен Қазақстанның ынтымақтастығын кеңейту туралы ниет білдірілді.

Сапар қорытындылары бойынша Қазақстан Республикасының Дін істері және азаматтық қоғам министрлігі мен Біріккен Араб Әмірліктерінің Ислам және вакуфтар істері агенттігі арасындағы ынтымақтастық туралы меморандумға қол қою туралы келісімге қол жеткізілді. 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды