• Басты
  • Павлодар облысында тұрғындарды ауыз сумен қамтамасыз ету жобасына 7,4 млрд теңге бағытталды
29 Желтоқсан, 2016 12:48

Павлодар облысында тұрғындарды ауыз сумен қамтамасыз ету жобасына 7,4 млрд теңге бағытталды

Павлодар облысында тұрғындарды ауыз сумен қамтамасыз ету жобасына 7,4 млрд теңге бағытталды , деді облыс әкімі Болат Бақауов 2016 жылғы жұмыстың қорытындысын шығарып, 2017 жылға арналған міндеттермен таныстыру барысында.
Павлодар облысында  тұрғындарды  ауыз сумен  қамтамасыз ету жобасына  7,4 млрд теңге бағытталды | Strategy2050.kz

Әкім тірек ауылдарды дамыту мәселесіне жеке тоқталып өтті. Ол ауылдың дамыған инфрақұрылымы жағынан тартымды болуы керектігін, халқы жаңа жұмыс орындарын құру есебінен жұмыспен қамтылуы керектігін, ал бұның жаңа өндірістер ашу, бизнестің қолданыстағы жобаларын кеңейту арқылы мүмкін болатынын атап айтты.

«Бұл үшін көптеген мемлекеттік бағдарламалар бар, тек оларды дұрыс пайдаланып, халыққа ақпарат беру керек.Ауыл әкімдерінің бұл бағыттағы жұмысы әлсіз. Қазір өзін-өзі жұмыспен қамтыған халықты кәсіпкерлікке тарту міндеті тұр. Жеке қосалқы шаруашылықтар арасындағы кооперацияны дамыту, отбасылық сүт-тауар фермаларын құру қажет. Біздің алдымызға бұл міндеттерді Елбасы қойып отыр. Ал біз оларды атқаруымыз қажет!» , - деп мәлімдеді әкім.

Болат Бақауов су қорларын тиімді пайдалану мақсатында келесі жылдан бастап облыста көлдетіп суару жүйесін қалпына келтіру жұмыстары басталатынын айтты. Қазіргі уақытта көлдетіп суару жүйесінің қолда бар құрылғылары істен шығып, пайдаланылмай тұр.

«Биылғы жылы біз үшжылдық бюджетті қалыптастыру бойынша ауқымды жұмыстар атқардық. Онда біздің барлық дерлік қажеттіліктеріміз ескерілген. Республикалық бюджеттен түсетін мақсатты трансферттер мен несиелерді есепке алғанда, 2017 жылға арналған облыс бюджетінің көлемі 182 миллиард теңгені құрайды. Жәрдемқаржы көлемі 44 миллиард теңгені құрайды, бұл 2016 жылғы көлемнен 6 есе артық»,  - деп сөзін жалғастырды аймақ басшысы.

 

Әкімнің айтуынша, инвестициялардың басым бөлігі қалалар мен аудандарды дамытуға бағытталған. Бұл мақсатқа облыстық бюджеттен 11,2 миллиард теңге сомасында мақсатты трансферт бөлу қарастырылған. Келесі жылы 200 орындық облыстық онкологиялық диспансердің құрылысын бастау жоспарланып отыр. Ауыл тұрғындарын ауызсумен қамтамасыз ету жөніндегі 25 жобаны іске асыруға 7,4 миллиард теңге бөлінеді.

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды