Қ.Тоқаев Марокко СІМ Бас хатшысын қабылдады
11 Желтоқсан, 2013 16:15
ҚР Парламент Сенатының төрағасы Қасым-Жомарт Тоқаев Марокконың Сыртқы істер министрлігінің Бас хатшысы Нассера Буритуді қабылдады. Буриту осы елдің Кеңесшілер Палатасының төрағасы Мұхаммед Аш-Шейх Биядилланың жолдауын жеткізді, деп хабарлайды жоғарғы палатаның баспасөз қызметі.
«Қазақстан Марокко Корольдігімен жан-жақты байланыстардың дамуына үлкен мән береді. Біз Марокконы Солтүстік Африкадағы беделді елдердің бірі ретінде танимыз», - деді Тоқаев. Спикердің айтуынша, екі ел арасындағы парламентаралық тікелей байланыстар екі жақты әріптестіктердің халықаралық деңгейде тереңдеуіне жол ашпақ.
Кездесу барысында Қ.Тоқаев Марокконы халықаралық ЭКСПО-2017 көрмесіне ат салысуға шақырды және Қазақстанның 2017-2018 жылдары БҰҰ Қауіпсіздік Кеңесінің мүшелігне өтуге қолдау көрсеткеніне алғыс білдірді.
Сонымен қатар, тараптар Қазақстан Республикасы Президенті Нұрсұлтан Назарбаев пен Марокко Королі VI Мұхаммед бастамаларындағы Ислам әріптестігі ұйымы аясында әріптестік пен аймақаралық диалогтың даму мәселелерін талқылады.
