• Басты
  • Марат Нұрғожин ҚР Қорғаныс және аэроғарыш өнеркәсібі Вице-министрі болып тағайындалды
28 Желтоқсан, 2016 10:48

Марат Нұрғожин ҚР Қорғаныс және аэроғарыш өнеркәсібі Вице-министрі болып тағайындалды

Қазақстан Республикасы Үкіметінің 2016 жылғы 27 желтоқсандағы № 859 Қаулысымен Нұрғожин Марат Рахмалиұлы ҚР Қорғаныс және аэроғарыш өнеркәсібі Вице-министрі болып тағайындалды, деп хабарлады Қазақстан Республикасы Қорғаныс және аэроғарыш өнеркәсібі министрлігі.
Марат Нұрғожин ҚР Қорғаныс және аэроғарыш өнеркәсібі Вице-министрі болып тағайындалды

Бұл лауазымында М. Нұрғожин Қазақстан Республикасы ғарыш қызметінің даму мәселелеріне жетекшілік ететін болады.    Марат Нұрғожин 1957 жылы 30 маусым күні дүниеге келген.

1980 жылы Н.Э. Бауман атындағы Мәскеу жоғары техникалық училищені үздік бітірген, техникалық ғылымдар докторы, профессор.Еңбек жолын Қарағанды политехникалық институтында бастап, онда кіші ғылыми қызметкерінен бірінші проректорына дейін өсті.

2004 жылдың наурыз айында Қазақстан Республикасы Ғылым және білім министрлігінің департамент директоры лауазымына тағайындалды.

Түрлі жылдары Әкімшілік басшысы, ҚР БҒМ Аэроғарыш комитетінің төрағасы, «Самғау» Ұлттық ғылыми-технологиялық холдинг» АҚ Басқарма төрағасының орынбасары, басқарма мүшесі секілді лауазымдарын атқарған.

2008 жылы «Қазақстан Ғарыш Сапары» Ұлттық компаниясы» АҚ Бірінші вице-президенті, 2013 жылдың тамызында – Президентінің міндетін атқарушы лауазымына тағайындалды.

М.Р. Нұрғожин белсенді ғалым, 250-ден астам ғылыми және ғылыми-әдістемелік жұмыстың, монографияның, оқулықтың және оқу әдістеменің, патенттің, авторлық куәліктің және зияткерлік меншік туралы куәліктің авторы болып табылады.

ҚР Қорғаныс және аэроғарыш өнеркәсібі Вице-министрі болып тағайындалуына дейін М. Нұрғожин «Қазақстан Ғарыш Сапары» ҰК» АҚ Президенті лауазымын атқарды.

Қазақстан Республикасының мемлекеттік наградалармен: «Кұрмет» орденімен, Қазақстан Республикасы Президентінің Алғыс хатымен, мерейтойлық медальдармен,  «Қазақстан Республикасы білім беру ісінің құрметті қызметкері» және «Қазақстан Республикасы ғылымын дамытудағы жетістіктері үшін» төсбелгілермен марапатталған.

Естеріңізге сала кетейік, Қазақстан Республикасының Қорғаныс және аэроғарыш өнеркәсібі министрлігі Қазақстан Республикасы Президентінің 2016 жылғы 6 қазандағы № 350 Жарлығына сәйкес құрылды.

Осы күнге дейін ҚР Қорғаныс және аэроғарыш өнеркәсібі вице-министрлері лауазымдарына ақпараттандыру және байланыс саласындағы ақпараттық қауіпсіздік (киберқауіпсіздік) мәселелеріне жетекшілік ететін Голобурда Дмитрий Васильевич (Қазақстан Республикасы Үкіметінің 2016 жылғы 14 қарашадағы № 702 Қаулысы) және жұмылдыру даярлығы мен жұмылдыру, мемлекеттік материалдық резервті қалыптастыру мен дамыту, бірыңғай әскери-техникалық саясатты жүргізу, қорғаныстық тапсырысты қалыптастыру, орналастыру мен орындау мәселелеріне жетекшілік ететін Рамазанов Арман Қайырбекұлы (Қазақстан Республикасы Үкіметінің 2016 жылғы 18 қарашадағы № 707 Қаулысы) тағайындалды.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды