БҚО-да «Жұмыспен қамту-2020» бағдарламасы бойынша 30 үй салынады
11 Желтоқсан, 2013 15:45
Батыс Қазақстан облысында биыл 30 үй «Жұмыспен қамту-2020» бағдарламасы бойынша салынатын болады, деп хабарлайды «BNews.kz» агенттігі облыстық жұмыспен қамту және әлеуметтік бағдарламалар басқармасына сілтеме жасай отырып.
«Батыс Қазақстан облысының алты ауданындағы жеті елді-мекенінде 30 үй салу жоспарланып отыр. Осы құрылыстар мен инженерлік-коммуникациялық инфрақұрылымдарға 210 млн теңге қарастырылған. Соның 168 млн теңгесі үйлердің құрылысына, 42 млн теңге инженерлі-коммуникациялық инфрақұрылымдарға арналған», - делінген хабарламада.
Құрылыс аяқталғаннан кейін, яғни үйлер қолданысқа берілгеннен кейін 30 отбасын көшіріп әкелу жоспарланған. Осы мақсатта 1,5 млн теңге субсидия қарастырылған.
Хабарламада қазірдің өзінде үйлердің 25-інің құрылысы аяқталғаны айтылады. 5 үй салыну үстінде.
