Алматыда дін және азаматтық қоғам қарым-қатынасының проблемалары талқыланды
«Конференция жұмысына Астана, Алматы қалаларынан, елдің облыс орталықтарынан 100 адам қатысты. Олардың ішінде дінтану, саясаттану, әлеуметтану, философия саласының танымал ғалымдары, сарапшылар қауымы және мемлекеттік органдардың өкілдері, азаматтық қоғамның беделді институттарының, талдау құрылымдарының жетекшілері және бұқаралық ақпарат құралдарының өкілдері бар», - делінген хабарламада.
Дін және азаматтық қоғам арақатынасындағы ең өзекті де, тәжірибелік маңызы бар мәселелерді талқыға салу, сондай-ақ дін саласындағы мемлекеттік саясатты жүзеге асыру барысында азаматтық қоғам өкілдерінің сындарлы әрекеттесуіне азаматтық қоғам өкілдерін тарту конференцияның мақсаты болып табылды. Үкіметтік ұйымдар әлеуетін халықты діни ағартуға кеңінен тарту қажеттілігі конференциядағы баяндамалардың негізгі арқауына айналды, әлбетте, бұл қай мағынада болмасын діни насихатты білдірмейді.
Пленарлық отырыс баяндамаларындағы негізгі зейін жалпы мәселелерге қойылды: мемлекеттік-конфессияаралық қатынастар аясындағы зайырлылық мәселесіне Қазақстандағы конфессияаралық қатынастар ерекшеліктеріне діншілдік және діни сауатсыздық мәселесіне ислам ілімі тұрғысындағы құқықтық мемлекет пен азаматтық қоғам идеялары мәселесіне Баяндамалардың басқа бөлігі мына мәселелерге арналды: елдегі лаңкестік және экстремизм деңгейін төмендетудегі азаматтық қоғам рөлі дін және азаматтық қоғамды зерттеудегі әлеуметтанушылық аспект діни экстремизм мен деструктивті діни ағымдардың алдын алудағы әлеуметтік жұмыстың рөлі .
Конференция қатысушыларының барлық ұсыныстары мен пікірлері мемлекеттік органдар тарапынан талданып, дін саласындағы мемлекеттік саясатты жүзеге асыру барысында қолданылатын болады. Сондай-ақ, Қазақстан Республикасының 2013-2017 жж. арналған діни экстремизм мен терроризмге қарсы күрес Мемлекеттік бағдарламаны жүзеге асыру кезінде үкіметтік емес ұйымдар әлеуетін кең пайдалану механизмдері жасалатынын айтып өту керек.
