Парламент депутаттары ел өңірлеріндегі «Нұрлы жер» бағдарламасының қағидаттарын түсіндіреді

«Мемлекет басшысы өнімді жұмыспен қамтуды және бұқаралық кәсіпкерлікті дамыту бағдарламасын, сондай-ақ «Нұрлы жер» бағдарламасын әзірлеу туралы тапсырма берді. Қажетті қаржылық қамтамасыз ету бар, бюджетте қаражат қарастырылды, бағдарламалар әзірленді. 23 желтоқсанда Үкімет өз отырысында бекітті», - деді Г. Исимбаева.

Фракция отырысына құжаттардың мәнін түсіндіру үшін ҚР Ұлттық экономика министрлігі мен Денсаулық сақтау және әлеуметтік даму министрлігінің өкілдері қатысты.  

«Біз бүгін депутаттарға осы бағдарламалардың мәні туралы түсіндіру үшін екі министрлікті де шақырып отырмыз, себебі олардың екеуі де халық үшін аса маңызды, тұрғын үйді қамтамасыз етумен және жұмыс орындарын ұсынумен байланысты. Және біз 4 қаңтардан бастап өңірлерге шығамыз, осы бағдарламалар бойынша ақпарат біз үшін де, бізді сайлаушылар үшін де пайдалы болады деп сенеміз», - деп қосты Г. Исимбаева.

Ботагөз Айтжанова