Оралда Оқушылар сарайы ашылды
22 Желтоқсан, 2016 20:24
Оралда барлық секциялар тегін болатын жаңа Оқушылар сарайы ашылды, деп хабарлады облыс әкімдігі.
Айта кетейік, аумағы 16,2 мың шаршы метр ғимаратта шығармашылық, дизайн, сәулет, йога, аэробика, кеме мен әуе құрылғыларын жасау және фотоөнерге баулитын бөлмелер бар.
Әдебиет, химия, физика, математика, тіл сыныптары, әскери-патриоттық клуб, экология, өлкетану үйірмелері де жұмыс істемек. Бұл үйірмелердің бәрі оқушылар үшін тегін.
Сондай-ақ мұнда жүзу бассейні мен мұзайдыны да бар.
