• Басты
  • Алматы облысында майлы дақыл өңдейтін зауыт ашылды (ФОТО)
22 Желтоқсан, 2016 17:26

Алматы облысында майлы дақыл өңдейтін зауыт ашылды (ФОТО)

Облыс әкімі Амандық Баталов Алакөл ауданына жасаған жұмыс сапары барысында «25 жылдыққа – 25 кәсіпорын» акциясының аясында «Алакөл – Нан» ЖШС-ның майлы дақылдар өңдейтін зауытын салтанатты түрде ашты, деп хабарлайды Алматы облысы әкімінің баспасөз қызметі.
Алматы облысында   майлы дақыл өңдейтін зауыт ашылды (ФОТО) | Strategy2050.kz

Майлы дақылдардың барлық түрлерін өңдейтін зауыттың жалпы құны 450 млн. теңге, оның ішінде 130 млн. теңгесі «ҚазАгроҚаржы» АҚ арқылы қаржыландырылған. Жобаның жалпы қуаттылығы тәулігіне 40 тонна майлы дақылдарды өңдейді.

«Елімізде өсірілетін сояның 95 пайызы Алматы облысында өседі. Өңірімізде соя  өңдейтін төрт зауыт бар. Бұл – бесіншісі. Елбасы елді мекендерде аса ауқымды болмаса да осындай 30-50 адамды жұмыс орнымен қамтитын шағын зауыттарды іске қосу қажеттігін тапсырған болатын. Сондықтан мұндай кәсіпорындардың санын әлі де көбейтетін боламыз», - деді Облыс әкімі А. Баталов зауыттың ашылу салтанатында.

 Соя өсіретін шаруа қожалықтарының айтуынша, бұған дейін өсірген өнімдерін өткізетін орын табу қиындық тудыратын және өткізген күннің өзінде арзанға кететін. Ал жаңа ашылған бұл зауыт диқандардан өнімді 1 тоннасын 140 мың теңгеден қабылдайды. Бұл шаруалар үшін де аса тиімді болып отыр.  

 «Ауылымызда май зауыты ашылғаны жергілікті тұрғындарға қолайлы болды. Осы зауытта 32 адам тұрақты жұмыс тауып отырмыз. Жалақымыз 100 мың теңге көлемінде. Кәсіпорындар көбейген сайын халықтың да тұрмыс жағдайы жақсара түседі. Сондықтан бұл – біз үшін аса үлкен оқиға», - деді Зауыт технологы Олжас Батырханов.

Осы сапарында облыс басшысы А. Баталов «Агример – Авто» жауапкершілігі шектеулі серіктестігінің соя қабылдау пункті жұмысымен де танысып қайтты.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды