Атырау облысында жыл басынан бері 3 мыңнан астам жаңа пәтер салынды

22 Желтоқсан, 2016 09:48

2016 жылғы қаңтар-қарашада тұрғын үй құрылысына 24,4 млрд. теңге инвестиция жұмсалды, бұл өткен жылғы сәйкес кезеңмен салыстырғанда 2,3% жоғары, деп хабарлады облыстың статистика департаменті.

Барлық меншік нысанындағы кәсіпорындар мен ұйымдар және тұрғындар жалпы ауданы 461,2 мың шаршы метр 3181 жаңа пәтер салды, ол 2015 жылғы қаңтар-қарашадан 0,5%-ға жоғары.

«2016 жылғы қаңтар-қарашада Атырау қаласы және Индер ауданынан басқа, облыстың барлық аудандарында тұрғын үйдің көлемі 2015 жылғы қаңтар-қарашадағы деңгейден жоғары: Құрманғазы ауданында – 2,1 есе, Жылыой – 23,2%, Махамбет – 16,5%, Қызылқоға – 9,7%, Исатай – 9,2% және Мақат – 7,7%. Салынған тұрғын үй көлемінің төмендеуі Атырау қаласында (7,4%) және Индер ауданында (20,6%) байқалды», - делінген хабарламада.

Облыста іске қосылған тұрғын үй көлемінде, Атырау қаласы (61,6%), Жылыой (16,1%) және Махамбет (5,1%) аудандары қомақты үлес салмағына ие.

Облыстағы тұрғын үй құрылысының негізгі қаржыландыру көзін құраған салушылардың меншікті қаражаты болды, іске қосылған тұрғын үйдің жалпы көлемінің едәуір бөлігін (79,7%) халық игеріп отыр.

Тұрғын үй құрылысының құны. 2016 жылғы қаңтар-қарашада халық салған тұрғын үйдің 1 шаршы метрінің орташа құны 47,8 мың теңге (2015 жылғы қаңтар-қарашада – 48 мың теңге) болды.

Барлық жаңалықтар