Шымкентте 96 отбасы "Нұрлы жол" бағдарламасы бойынша пәтер кілтіне ие болды (ФОТО)

Салтанатты шараға облыс әкімі Жансейіт Түймебаев қатысып, қоныс иелеріне пәтер кілтін табыстады.

"Жаңа жыл қарсаңында қоныстанғалы отырған баспаналарыңыз құтты болсын. Бұл үйлерді мемлекет сіздерге делдалдарсыз және несиеге барынша төмен пайызбен ұсынып отыр. Ұзақ мерзімді жалға беріліп отырған баспаналардың  сатып алу құны да арзан. Мемлекеттің осындай ігі істері алдағы уақытта да жалғасын табатын болады",- деді облыс әкімі Жансейіт Түймебаев.

Жаңа пәтерге жайғасқандардың басым көпшілігін көп балалы және мүгедек балалары бар отбасылар құрайды. Сондай-ақ, жаңа қонысқа қол жеткізгендердің арасында жетім балалар мен оралмандар, мемлекеттік қызметкерлер мен  бюджеттік мекеме қызметкерлері де  бар.

Мұндағы тұрғын үйлердің әр шаршы метрі үшін жылдық төлем 900 теңгеден аспайды. 20 жыл мерзім аяқталғанда пәтерлер азаматтардың меншігіне айналады.  

Жалпы, «Нұрлы Жол" мемлекеттік бағдарламасы мен "Өңірлерді дамытудың 2020 жылға дейінгі бағдарламасы" іске аса бастағаннан-ақ «Қазақстан Ипотекалық компаниясы» Шымкент қаласында 2541 пәтерді  сатып алған.