2050 Стратегиясында Қазақстан үшін жаңа сын-ұсыныстар мен елеулі жетістіктер үйлесім тапқан – Отто Бенеке атындағы Қордың президенті
«Оның пікірінше, құжат Қазақстан үшін өмірлік маңызы бар жаңа сын-қатерлер мен елеулі жетістіктер үйлесім тапқан көптеген қызықты жайттарды қамтыған», - делінген хабарламада.
«Қазақстан бұрынғы Кеңес одағынан да, одан тысқары орналасқан басқа көп мемлекеттерден де жаңарған оптимистік рухымен ерекшеленеді. Сіздің сөзіңіз – батылдық көрініс тапқан құжаттама», – деп жазады хат иесі.
Л.-Т.Лемпер республиканың мойындалған халықаралық жетістігінің екі қайнар көзі – Қазақстан Президентінің басшылығымен шебер жүзеге асырылған саяси басшылық пен азаматтардың үлкен елдің игілігі жолында пайдаланылып отырған жан-жақты қабілеттілігі деп санайды.
«Стратегия Батыс Еуропаның әлі күнге дейін тоқырауда қалып отырған көп елінен Қазақстанды жақсы жағынан ерекшелейді. Сіздің жолдауыңыз Қазақстанды экономикалық, ғылыми және әлеуметтік прогресс биігіне көтеруге деген ұмтылыспен етене байланысты», – делінген хатта.
Хат соңында автор Нұрсұлтан Назарбаевтың жаңа білім беру саясаты өзін үлкен әсерге бөлегенін атап өткен. Осыған орай Л.-Т.Лемпер перспективалық жаңа идеяларды іске асыруға достық ниетпен өз үлесін қосуға дайын екендігін білдірген.
