• Басты
  • Заңды орындау оның қолданысқа ену күнінен бастап алты ай ішінде жүргізіледі
20 Желтоқсан, 2016 17:58

Заңды орындау оның қолданысқа ену күнінен бастап алты ай ішінде жүргізіледі

Осы жылы Қазақстан өзінің мемлекеттік тәуелсіздігінің жиырма бес жылдық мерейтойын атап өтуде. Республика Конституциясы адам және адамның өмірі, құқықтары мен бостандықтарын ең қымбат қазына деп жариялайды, деп хабарлады Орталық коммуникациялар қызметінде.
Заңды орындау оның қолданысқа ену күнінен бастап алты ай ішінде жүргізіледі

Гуманизм қағидатының бір көрінісі оған сәйкес рақымшылық жасау актін қолданатын заңды қабылдау болып табылады.

Ағымдағы жылдың 13 желтоқсан күні Елбасы «Қазақстан Республикасы Тәуелсіздігінің жиырма бес жылдығына байланысты рақымшылық жасау туралы» Қазақстан Республикасы Заңына қол қойды.

Заңмен рақымшылық жасалатын тұлғалардың шеңбері, сондай-ақ рақымшылық жасау акті қолданылмайтын субъектілер анықталады. Жазаның өтелмеген бөлігі айыппұлмен немесе бостандығын шектеумен алмастырылады, не қысқартылады.  Сонымен қатар заңда  рақымшылық жасауды қолдану шарттары көрсетілген.

Заң азаматтардың әлеуметтік осал санаттары – кәмелетке толмағандарға, жүкті әйелдерге, кәмелетке толмаған балалары немесе мүгедек балалары бар әйелдерге, сондай-ақ кәмелетке толмаған балалардың жалғыз ата-анасы болып табылатын ер адамдарға, I, II және III топтағы мүгедектерге, елу жастағы және ол жастан асқан әйелдерге, алпыс жастағы және ол жастан асқан ер адамдарға, Ұлы Отан соғысының қатысушылары мен мүгедектеріне және оларға теңестірілген адамдарға, әскери және интернационалдық борышын орындау кезінде қаза тапқан әскери қызметшілердің жесірлеріне, сондай-ақ күйеулері соғыс мүгедектері және оларға теңестірілген адамдар болып табылатын әйелдерге қатысты рақымшылық жасау ұйғарылып отыр.

Барлық қылмыстық істер мен соттар қарамаған істер бойынша, қылмыстық теріс қылықтар мен онша ауыр емес қылмыстар бойынша іс жүргізуді тоқтату көзделген. Сотталған адамдардың жекелеген санаттары үшін жаза мерзімінің өтелмеген бөлігін айыппұлмен немесе бас бостандығын шектеумен ауыстыру немесе оны қысқарту рәсімін қолдану мүмкіндігі пайда болады. Сонымен қатар, заңмен рақымшылық жасау актісі қолданылмайтын адамдардың аясы белгіленеді. Бұл жыныстық тиіспеушілікке қарсы қылмыстар; террористік және экстремистік қылмыстар; азаптаулар жасаған адамдар; рецидивистер; өмір бойына бас бостандығынан айыруға жазаланған, сондай-ақ кешірім жасау тәртібімен өлім жазасы бас бостандығынан айыруға ауыстырылған адамдар, бұрын рақымшылық жасалған немесе кешiрiм жасалған және қайтадан қасақана қылмыстар жасаған адамдар; қылмыстық топтар құрамында қылмыстар жасағаны үшін сотталған, сондай-ақ қылмыстық заңда белгіленген бірқатар өзге де қылмыстар жасаған адамдар.

Осылайша, рахымшылық 28 мыңға жуық азаматқа жасалады деп жоспарланып отыр. Заңды орындау оның қолданысқа ену күнінен бастап алты ай ішінде жүргізіледі.

 

Барлық жаңалықтар