ИДМ мемлекеттік метрологиялық бақылау саласын 6-ға дейін қысқартуды ұсынды

ДСҰ шеңберінде (2015 жыл) Қазақстан Саудадағы техникалық кедергілер жөніндегі келісім талаптарының орындалуын қамтамасыз етуі тиіс. Онда негізгі кедергілер ретінде түрлі елдерде заңнаманың өзгешелігі, стандарттар мен сәйкестікті тексеру процедураларының айырмашылығы көрсетілген.

Стандарттар ұсынымдық сипатқа ие болуы тиіс. Ұлттық стандарттар көп жағдайда халықаралық талаптарға сәйкес келуі керек, ал міндетті талаптар техникалық регламенттерде белгіленуі қажет.

Осылайша, техникалық реттеу мен стандарттау түрлі заңнамалық актілермен регламенттелуі керек:әкімшілік құрал ретінде міндетті салада «Техникалық реттеу туралы» Қазақстан Республикасының заңы арқылы  ерікті түрде ұсынылып отырған «Стандарттау туралы» Қазақстан Республикасы заңының жобасы арқылы регламенттелуі тиіс.

««Қазақстан Республикасының кейбір заңнамалық актілеріне өлшем бірлігін қамтамасыз ету және стандарттау мәселелері бойынша өзгерістер мен толықтырулар енгізу туралы» Заң жобасы ҚР 6 кодексі мен ҚР 43 заңына өзгерістер мен толықтырулар енгізуден тұрады», - деді министр.

Өлшемдер бақылауын қамтамасыз етуді халықаралық модельге сәйкес келтіру. Бірінші кезекте салыстырып тексерудің орнына эталондарды калибрлеу енгізіледі. Бизнестің қосалқы шығындарын болдырмау үшін (құралдарды салыстырып тексеру және калибрлеу талап етілетін жағдайда) салыстырып тексеруді калибрлеу нәтижелері бойынша рәсімдеу мүмкіндігі қарастырылады.

«Мемлекеттік метрологиялық бақылау саласын қысқарту және оны нақтылау. Қолданыстағы сала 11 орынды қамтиды. Халықаралық тәжірибеге сәйкес, адам өмірі мен денсаулығының қауіпсіздігін қамтамасыз ету, қоршаған ортаны қорғау, әділ сауданы қамтамасыз ету тұрғысынан ерекше маңызды іс-қимыл салаларын қалдырып,  6-ға дейін қысқартуды ұсынамыз», - деді Ж.Қасымбек.