Сербия Президенті Қазақстанды Тәуелсіздіктің 25 жылдығымен құттықтады
15 Желтоқсан, 2016 15:28
Нұрсұлтан Назарбаев Сербия Республикасының Президенті Томислав Николичпен телефон арқылы сөйлесті, деп хабарлады Ақорданың баспасөз қызметі.
Әңгімелесу барысында Томислав Николич Нұрсұлтан Назарбаевты Қазақстан Республикасының Тәуелсіздік күнімен құттықтады.
Қазақстан мен Сербияның көшбасшылары екі ел ынтымақтастығының өзекті мәселелерін талқылады.
Мемлекеттер басшылары биылғы қарашада Сербияның Премьер-министрі А.Вучичтің Қазақстанға екіжақты қарым-қатынасты нығайтуға арналған сапарының қорытындысына оң баға берді.
Телефон арқылы сөйлесуге Сербия жағы бастамашы болды.
