ЕЭК ЕДБ қаржыландыру үшін өнеркәсіптік жобаларды іріктеу тәртібін анықтады

15 Желтоқсан, 2016 13:47

Еуразиялық экономикалық комиссия Алқасы ЕДБ қаржыландыру үшін интеграциялық әлеуеті бар кооперациялық жобаларды қарау бойынша Комиссияның, Еуразиялық экономикалық одақ (ЕАЭО) мемлекеттерінің және Еуразиялық даму банкінің (ЕАДБ) өзара іс-қимылының негізгі аспектілерін айқындайтын құжаттар пакетін мақұлдады.

ЕЭК өнеркәсіптік блогы Одақ мемлекеттерінің және ЕАДБ өкілдерімен бірлесіп дайындаған құжаттар банктің оларды ықтимал қаржыландыруы үшін кооперациялық жобаларды іріктеу тәртібін айқындайды, деп хабарлады ЕЭК баспасөз қызметі.

Осы жұмысты ұйымдастыру үшін жұмыс тобы құрылады, оның құрамына ЕЭК өнеркәсіп және агроөнеркәсіп кешені министрі, ЕАДБ басшылығының және Комиссияның Өнеркәсіптік саясат департаментінің өкілдері, ЕАЭО елдерінің өнеркәсіп және экономика министрліктері басшыларының орынбасарлары кіреді. Жұмыс тобының құрамын ЕЭК Кеңесі бекітеді.

Жұмыс тобы қарайтын жобалар жобаны кооперациялық жобаға жатқызу критерийлеріне сәйкес келуі тиіс және жоба паспортының белгіленген нысанына сәйкес ресімделуі тиіс. Сондай-ақ іріктеу критерийлері мен паспорт нысанын ЕЭК Кеңесі бекітеді.

Кеңестің шешімдерді қабылдауы және олардың іске асырылуы ЕАЭО елдерінің өнеркәсібін дамыту үшін маңызды жобаларды қолдау тетігін жасауға кірісуге мүмкіндік береді.

Барлық жаңалықтар