14 Желтоқсан, 2016 18:34

Шымкентте жаңғыртудан өткен газ таратушы желілер пайдалануға берілді

Бүгін Оңтүстік Қазақстан облысының орталығы - Шымкентте газ таратушы желілерді қайта жөндеу мен жаңғыртудың кезекті сатысы аяқталып, ел игілігіне берілді, деп хабарлады ОҚО әкімінің баспасөз қызметі.

«ҚазТрансГазАймақ» акционерлік қоғамы қазіргі таңға облыстағы 300 мыңға жуық абонентті газбен қамту қызметін жүргізіп отыр. Аталған мекеме ұжымымен көгілдір отынмен қамтудағы Кеңес Үкіметі кезінде салынып, тозығы жеткен құбырларды, қондырғыларды жаңарту арқылы халыққа сапалы газ беру мақсатында соңғы 6 жылда 33 млрд. теңге инвестициялық қаржыға «Шымкент қаласының газ тарату желілерін қайта құру мен модернизациялау» бағдарламасы жүзеге асырылды. Жалпы инвестициялық қаражаттар есебінен 2390 шақырым газ құбырлары жаңартылған. Нәтижесінде 2017 жылдың 1 қаңтарына құбырлардың тозығы жетуі 2010 жылдың тиісті кезеңімен салыстырғанда 60 %-дан 19 %-ға төмендетіліп отыр», - деді Жансейіт Қансейітұлы.

Мұнан бөлек, аймақ басшысы 2013 жылы Түркістан қаласына №15 автоматты газ тарату станциясының (әрі қарай АГТС), 2015 жылы Бәйдібек, Созақ аудандарын газдандыруға №18 «Шалдар» АГТС құрылысының акционерлік қоғам қаражаты есебінен аяқталып іске қосылғанын айтты. Нәтижесінде, бүгінгі таңда Түркістан шаһары мен Шаян елді мекендері газбен қамтылып жатыр деді облыс әкімі.

2009-2016 жылдар аралығында бюджет есебінен елді мекендерді газдандыру саласына 65 млрд. теңге қаражат жұмсалып 203 елді мекенге көгілдір отын жетті. Нәтижесінде, 2016 жылдың қорытындысымен қосымша 25 елді мекен газға қосылып, облыс бойынша жалпы 300 елді мекен (35,5%) немесе 1 755 306 халық (61,8%) табиғи отынмен қамтылғалы отыр.

Баршаға белгілі, облысымызға «Бейнеу-Бозай-Ақбұлақ» отандық магистралды газ құбыры тартылған болатын. Бүгінгі таңда аталған құбырдың бойындағы облыстың солтүстік-батыс бөлігіндегі 8 аудандағы 248 елді мекенді (684 304 халық) газдандыру мақсатында жоспарланған 7 автоматты газ тарату станцияларының (АГТС) 4-уі іске қосылды. Қалған 3 АГТС құрылысын 2017 жылдың 1-ші жартыжылдығына аяқтау жоспарланып отыр. Осыған орай, облысты газдандырудың 2021 жылға дейінгі іс-шарасы әзірленіп, бүгінгі таңда 47 елді мекенді газдандырудың жобалық-сметалық құжаттамаларын әзірлеу басталды. Одан бөлек 2017 жылы да бұл жұмыстарға қаржы қарау жоспарлануда.

Жалпы облыс елді мекендерін газдандырудың іс-шара жоспарына сәйкес, 2017-2020 жылдар аралығында 383 елді мекендерді (733 630 халық) газдандыру жоспарланған. Нәтижесінде 2020 жылдың аяғына 683 елді мекенді (80,9 % е.м.) немесе 2,5 млн. халықты (89 %) газдандыру көзделіп отыр.

Ұлттық оператор «ҚазТрансГазАймақ» АҚ мамандарымен 2009 жылдан бері басталған тиісті жұмыстар үздіксіз газ жеткізуді қамтамасыз ету, газ ысырабын азайту, жүйенің өткізу мүмкіндігін арттыру мақсатында қолға алынған. Оның ішінде, Оңтүстік

Қазақстан облысын газбен жабдықтаудың техникалық базасын жақсартуға басымдық беріледі. Бұл, өз кезегінде, жаңа газ инфрақұрылымын жасап қана қоймай, тұтынушылар мен жеткізушілер арасында сенімді байланыс орнатып, қалыптастыруға мүмкіндік береді.

ҰСЫНЫЛАДЫ

Барлық жаңалықтар

дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды