Алматы облысының ауруханалары 35 санитарлық автомашинаға ие болды (ФОТО)
Жиналғандарды Тәуелсіздіктің 25 жылдығымен құттықтаған облыс басшысы А. Баталов мемлекет тарапынан денсаулық сақтау саласына айрықша көңіл бөлініп келе жатқанын атап өтті.
«Тәуелсіздік жылдары облыста халықтың денсаулығын сақтау мен нығайту бағытында ауқымды жұмыстар атқарылды. Емдеу мекемелері салынып, күрделі жөндеуден өткізілуде, материалдық-техникалық базалары нығайтылып, медициналық қызмет көрсету сапасы жақсартылуда. Бүгін, мерейтой қарсаңында емдеу мекемелеріне 35 автокөліктің кілтін тапсырғалы отырмыз», - деді А. Баталов.
Бұл жылжымалы жедел медициналық кешендерді сатып алуға жергілікті бюджеттен 484,0 млн. теңге бөлінгенін айта кету керек. Сонымен қатар бұл автокөліктер жүрек талмасы, инсульт, жолдағы жарақаттану кезіндегі жедел жәрдем үшін және ана мен бала қызметі үшін қазіргі заманғы талапқа сай ыңғайлы, портативті электрокардиографпен, дефибриллятормен және килород аппаратымен жабдықталған.
