Өскемен қаласының ауруханасында әлемдік деңгейдегі урологиялық жабдық орнатылды
14 Желтоқсан, 2016 20:51
Өскемен қаласының ауруханасында ішкі органдарға шағын саңылаулар арқылы ота жасауға мүмкіндік беретін әлемдік деңгейдегі урологиялық жабдық орнатылды, деп хабарлады ШҚО Ақпарат орталығы.
Өскемен қаласы қалалық ауруханасының урология бөлімшесінде жабдық жаңартылды. Жаңа жабдық урологиялық аурулармен ауыратын пациенттерге көмек көрсетудің ауқымы мен тиімділігін кеңейтеді. Сондай-ақ ішкі органдарға шағын саңылаулар арқылы ота жасауға мүмкіндік береді.
Олардың арасында өмірді шұғыл сақтап қалу, әр түрлі ауруларды диагностикалау мен емдеу үшін қажетті аппараттар да бар.
Осы технология Қазақстан Республикасында алғаш рет пайдаланылады. «Казцинк» ЖШС оны алуға «Парыз» қоры арқылы 250 млн теңге бөлген.
Алынған жабдық қазір жұмыс істей бастағанын атап өту қажет. Оның көмегімен аз жарақаттайтын, эндоскопиялық ота жасауға болады, науқастар жылдам жазылады.
