Астанада Қазақстан-Израиль бизнес-форумы өтеді
«ҚР Үкіметі, ұлттық және жеке меншік компаниялар, сонымен қатар іскерлік ортаның өкілдері израильдік кәсіпкерлермен кәсіп ашу мәселесін қарастырады. Шара Қазақстан мен Израиль арасында коммуникация, АТ, ғылыми жұмыстар, төтенше жағдайлар кезінде қолданылатын технологиялар, медициналық құралдар, фармацевтика салаларында және «Астана ЭКСПО-2017» көрмесін өткізу мәселелері талқыланады», - делінген хабарламада.
Форум аясында қазақстандық және израильдік компания өкілдері нақты мысалдарда әріптестік құруға қатысты екіжақты кездесулер өткізеді.
Айта кету керек, екі ел арасындағы тауар айналымы 2011 жылғы көрсеткіш бойынша 1,544 млрд. АҚШ долларын құраған.
Қазақстан-Израиль бизнес форумы ҚР Индустрия жжәне жаңа технологиялар министрлігі, ҚР Сауда және өнеркәсіптік палатасы, ҚР-дағы Израиль Елшілігі, Израильдің Сыртқы істер министрлігі, Израиль кәсіпкерлер қауымдастығы мен Globe gateway компаниясының ұйымдастыруымен өтеді.
