Н.Калашникова: «Мәңгілік елім менің» антологиясының бірегейлігі - ҚР этностарының ерекшелігін таныстыру

«Бүгін ілкімді таныстырылым өтті. Тәуелсіздіктің 25 жылдығында  патриоттық негізде аталмыш әдебиет туындыларының пайда болуы,  оның авторларына деген құрметті тудырады», - деді Н.Калашникова.

Ол айтып өткендей, Жазушылар одағының қолдауымен  туған тілде жазылған дүниені өзге тілдерге аударатын шығармашылық ұжым құрылды. Ұжымның көмегімен аталмыш туынды жарық көрді.

Айта кетейік, ҚР Ұлттық академиялық кітапханасында ҚР Тәуелсіздігінің 25 жылдығына арналған «Мәңгілік елім менің» поэзиясы антологиясының таныстырылымы өтті.

Іс-шараға ҚР Парламенті Мәжілісінің депутаттары, ҚХА ғылыми-сараптамалық тобының мүшелері, қоғам қайраткерлері, ғылыми мен шығармашылық зиялылары, шығармалардың авторлары, Қазақстанның танымал жазушылары мен ақындары, БАҚ қатысты.

«Мәңгілік елім менің» антологиясын Қазақстан жазушылар одағы   Қазақстан халқы Ассамблеясы, «Altyn Kyran» халықаралық қайырымдылық қорының қолдауымен жарыққа шығарды.

Антологияда Қазақстан Республикасының түрлі этностары ақындарының (қазақ, орыс, ұйғыр, күрд, татар, украин, белорус, неміс, кәріс, армян, шешен, ингуш, түрік, осетин, дүнген және т.б.) өлеңдері жинақталған.50 автордың өлеңдері мемлекеттік тілде жарық көріп, орыс тіліне аударылды.