Ақтөбе облысында 15 отбасы 2,1 млн теңгенің көмегіне ие болды
10 Желтоқсан, 2016 12:36
Ақтөбе облысында 15 алғалық отбасы 2,1 млн теңгенің көмегін алды, деп хабарлады облыс әкімдігі.
Ақтөбе облысында Тәуелсіздіктің 25 жылдығына арналған қайырымдылық акция әлі де жалғасуда. Ақтөбе облысының әкімі Бердібек Сапарбаев Алға ауданына жасаған жұмыс сапарында 15 аз қамтылған отбасыға 100, 150 және 200 мыңдық ақшалай сыйлық сертификатын табыстады.
Облыс әкімі қайырымды іске үлес қосқан кәсіпкерлерге алғыс айтты.
«Қайырымдылық акцияға белсенді қатысып жатқан кәсіпкерлерге алғыс айтамын. Сіздер жақсылықпен қайтарылатын қайырымды іс жасап отырсыздар. Мен барлық бизнес өкілдері тағы бір мәрте осы акцияға қатысуға шақырамын. Тәуелсіздіктің 25 жылдығында әрбір қазақстандық қолдау мен қамқорлыққа ие болуы керек», - деді әкім.
