Ұлттық музейде «Ұлттық музейге сый тарту» акциясының қатысушыларына арналған алғыс тақтасының ашылды (ФОТО)

Сонымен қатар, 2015-2016 жылдары «Ұлттық  музейге сый тарту» акциясына қатысқан азаматтардың есімдері жазылған алғыс тақтасының ашылу салтанаты болды.

«Ұлттық  музейге сый тарту» акциясының биылғы жылғы қорытынды жиынына КСРО Халық әртісі Бибігүл Төлегенованың немересі – Әділ Төлегенов, халық ақыны – Қонысбай Әбіл, жазушы – Қайсар Әлім, даңқты спортшымыз – Александр Винокуров, сонымен қатар Роза Бағланова, Сұлтан Баймағамбетов, Әбіш Кекілбаев, Сұлтанбек Қожанов, Манаш Қозыбаев сынды ұлы тұлғалардың ұрпақтары және туған-туыстары қатысты.

Айта кетейік,    «Ұлттық  музейге сый тарту» акциясы 2015 жылғы 18 наурызда Астана қаласында Қазақстан Республикасы Ұлттық музейінде салтанатты түрде бастау алған болатын. Кейін Алматы, Қызылорда, Ақтөбе, Шымкент, Қостанай қалаларында жалғасын тапты. «Ұлттық музейге сый тарту» акциясы алдағы уақытта республикамыздың өзге де өңірлерінде де ұйымдастырылатын болады.

Акцияның мақсаты – ұлттық тарихи-мәдени мұраларымызды сақтау мәселесіне қоғам назарын аудару. Ел арасында елеусіз жатқан тарихи маңызы зор құнды заттарды, ұлтымыздың ұлы тұлғаларының жәдігерлерін кәсіби тұрғыда сақтауға және көпшілік назарына ұсыну үшін Ұлттық музейге тапсыруға үндеу.