ИЫҰ СІМК 40-ыншы сессиясы жұмысында сауда-саттық қауіпсіздігі бойынша Ислам Ұйымының Қаулысына қол қою рәсімі өтті- ҚР СІМ

10 Желтоқсан, 2013 17:50

Бүгін ҚР Сыртқы істер министрі Ерлан Ыдырысовтың (Гвинея Республикасы) Конакриге сапары аяқталды. Онда министр Ислам Ынтымақтастығы Ұйымының Сыртқы істер министрлер кеңесінің 40-ыншы сессиясының жұмысына қатысты, деп хабарлайды ҚР СІМ баспасөз қызметі.

«Біріншіден, біз ИЫҰ-ның Сириядағы қантөгісті тоқтата алмай отырғанын өкінішпен еске аламыз. Сирияның да бұл ұйымға мүшелігі тоқтатылып отыр. Екіншіден, Ауғанстан ахуалы да ұйым үшін күн тәртібіндегі ең маңызды жағдай болып қала беруі керек. Үшіншіден, ирандық ядролық қару да барша әлем халқы үшін назардан тыс қалмақ емес. Қазақстан қашанда барлық елдің құқын мойындап, соның ішінде өзіміздің туыстас ел Иранның да экономикалық бағытта қолдануда ядролық өндірісті қолдануына оң көзқарас білдіріп отыр. Осы орайда біз Женевада қол жеткізген Иран мен «алтылықтың» келісімін айта аламыз», - деді Ерлан Ыдырысов.

СІМК сессиясында сөз алған Ыдырысов Қазақстанның 2011-2012 жылдар аралығында ұйымға төрағалық еткен кездегі мұсылман әлемі мен батыстың тығыз байланыс құруына жағдай жасағанын айта келіп, Қазақстанның дүниежүзілік ынтымақтастық пен татулықта сіңірген және сіңіретін еңбегінің орасан екенін мәлімдеді.

«ИЫҰ СІМК барысында талқыланған басты тақырыптардың бірі палестина-израиль шиеленісін, Сириядағы жағдай, Ауғанстан ахуалы, Иранның ядролық бағдарламасы мен Малидегі саяси жағдайларды реттеу болды. Осы кезекте министр өз сөзінде ҚР-ның ЭКСПО-2017 өткізуіне қолдау көрсеткен ұйымға мүше мемлекеттерге алғысын білдірді», - делінген хабарламада.

Барлық жаңалықтар