ҚР Президенті: Қазақстан жастары елдің гүлденуі жолында еңбек етуі керек

«Мен Ассаблеяның белсенді жастарын ерекше қабылдаймын. Олар «Мәңгілік ел» жалпыұлттық идеясы   аясында біріккен біртұтас елдің болашағы. Жастарға айтатыным:  адал еңбек етіңдер, Қазақстанның гүлденуі жолында  жұмыс істеп, бір-біріңді қолдаңдар. Біздің тұрақтылығымыз бен ауызбіршілігімізді бағалаңдар. Біз әркез бір тағдыр бір ел  деп айтып жүреміз. Біздің жолымыз – ұлт бірлігінің жолы», - деді Нұрсұлтан Назарбаев.

Сондай-ақ, Мемлекет басшысы  елдегі үш ұлттық театрға – корей, неміс, ұйғыр театрларына академиялық дәреже беріледі.

«Біздің газет пен журналдарымыз  15 тілде, театр 7 тілде сөйлейді. Қазақстанда  өзге елде кездеспейтін құбылыс болып отыр. Бүгін осы фестивальде үш ұлттық театрға – корей, неміс, ұйғыр театрларына академиялық дәреже беруді жариялаймын. Бұл елдегі театр өнерін дамытуға жаңа серпін беретініне  сенімдімін. Барлық ұжымдарды аталмыш оқиғамен құттықтаймын. Баршаларыңызға шығармашылық табыс тілеймін», - деді Елбасы.

Айта кетейік, Астана қаласында Тәуелсіздіктің 25 жылдығына арналған Қазақстан халқы Ассамблеясы этномәдени бірлестіктерінің «Бейбітшілік пен келісімнің 25 жылы» атты фестивалі өтуде. Маңызды жиынға 10 мыңнан астам адам қатысып жатыр.