Ақмола облысының Зеренді ауданында робототехника кабинеті ашылды
9 Желтоқсан, 2016 13:48
Тәуелсіздіктің 25 жылдығы қарсаңында Л.Н.Гумилев атындағы Еуразия Ұлттық университеті Ақмола олбысының Зеренді ауданындағы М.Ғабдуллин атындағы жалпы білім беру мектебіне қазіргі заманғы қондырғы – робототехника кабинетін сыйға тартты.
Ақмола облысының ақпараты бойынша, аталмыш қондырғы өңірге әкелінген алғашқылардың бірі, оқушылар техника ғылымының жаңа құпияларымен таныса алады. Себебі, робототехника ғылым мен техника саласындағы барлық жаңашылдықтарды қамтиды.
«Робототехниканы меңгере отырып, оқушылар инженерлік-техникалық шығармашылықты, бағдарламалау, жоғары технологиялар мен электрониканы үйренеді», - деді аудан әкімі Асқар Мұратұлы.
Айта кетейік, университет лттық және жалпыадамзаттық құндылықтар негізінде кәсіптік қалыптасу мен дамытуды жүзеге асыру бойынша ауқымды жұмыс атқаруда.
