ЕЭК-те көлік және инфрақұрылым саласындағы стратегиялық құжаттар келісілді
«Біздің жыл сайынғы кездесулеріміз игі дәстүрге айналды және көлік және инфрақұрылым саласындағы интеграцияны дамытудың анағұрлым өзекті мәселелері бойынша ымыралы шешімдер табуға мүмкіндік береді», - деп атап өтті А. Жүнісов.
Отырыста еуразиялық экономикалық интеграция мен Жібек жолы экономикалық белдеуінің түйіндесуі аясында инфрақұрылымдық жобалар мен өзара іс-қимыл салаларының тізбесі бекітілді. Бұл көлік және инфрақұрылым саласындағы 40-тан астам жоба, деп хабарлады ЕЭК.
«ЕАЭО елдерінен ұсыныстар Қытай – Еуразиялық одақ – ЕО және ілеспе бағдарлар бағыты бойынша тура логистиканы реттеуге бағытталған. Осы жобалар бойынша Одақтың әріптес елдерінің Қытаймен бірлесіп келіссөздер жүргізуі үшін барлық негіздері бар», - деп атап өтті А. Жүнісов.
Кездесуде биылғы жылдың соңында «бестік» елдерінің президенттеріне таныстырылатын Көлік саясаты жобасын қарауға ерекше көңіл бөлінді. Министрлер құжат жобасы бойынша автомобиль және әуе көлігі бөлігіндегі барлық келіспеушіліктерді шешті.
«Қол жеткізілген келісулер стратегиялық құжатқа қатысты жұмыстарды аяқтау және оны практикалық іске асыруға көшу үшін жақсы перспектива ашады», - деп мәлімдеді ЕЭК министрі Көлік саясаты жобасының талқылануын қорытындылай келе.
