Жамбылдық сыртқы сауда айналымының көлемі 206,4 млн долларды құрады

8 Желтоқсан, 2016 16:53

2016 жылғы қаңтар-қазанда бөлшек сауда тауар айналымының көлемі 164,8 млрд. теңгені, нақты көлем индексі 99,8%-ды құрады. Бұл туралы Өңірлік коммуниккациялар қызметі алаңында өткен брифингте Талғат Базарбайұлы баяндады.

Оның берген ақпаратына сүйенсек, жыл басынан бері жеке кәсіпкерлердің, оның ішінде базарлардағы сатушылардың тауарларды өткізу айналымы 100,2 млрд. теңгені құрады.

Азық-түлік тауарларының бөлшек сауданың жалпы көлеміндегі үлесі 42,0%-ды құрады, азық-түлік емес тауарлар - 58%. Көтерме сауда тауар айналымы осы кезеңде 143,9 млрд. теңгені құрап отыр.

Тауарлар қоры бөлшек және көтерме саудада 2016 жылдың 1 қарашасына 19,8 млрд. теңгені құрады, оның ішінде 9,1 млрд. теңгесі бөлшек сауда кәсіпорындарындағы тауар айналымының 46 күнін, көтерме саудада - 10,8 млрд. теңгені құрап, 43 күнді қамтыды.

Сондай-ақ Талғат Базарбайұлы брифинг барысында сыртқы сауда айналымына да тоқтала кетті. Кедендік статистиканың мәліметтері бойынша сыртқы сауда айналымының көлемі 2016 жылғы қаңтар-қыркүйекте 206,4 млн. АҚШ долларын құрап, 2015 жылдың тиісті кезеңіне 33,1%-ға азайған.

Оның ішінде экспорт 46,6%-ға төмендеп, 53,2 млн. АҚШ доллары, импорт 26,7%-ға азайып, 153,1 млн. АҚШ доллары болған. Сыртқы сауда айналымының сальдосы теріс қалыптасты - 99,8 млн. АҚШ доллары.2016 жылғы қаңтар-тамызда облыстың ЕАЭО елдерімен өзара саудасы 75,2 млн. АҚШ долларын құрап, 2015 жылғы қаңтар-тамызға қарағанда 18,9%-ға азайды, оның ішінде экспорт 26,9 млн. АҚШ доллары, импорт - 48,3 млн. АҚШ доллары (21,3%-ға азайды).

Барлық жаңалықтар