ҚР Президенті Ресей Федерациясы Үкіметі Төрағасының орынбасарымен кездесті
10 Желтоқсан, 2013 16:56
Бүгін, 10 желтоқсан ҚР Президенті Нұрсұлтан Назарбаев пен Ресей Федерациясы Үкіметі Төрағасының орынбасары Дмитрий Рогозин кездесті, деп Ақорданың баспасөз қызметі хабарлады.
«Нұрсұлтан Назарбаев Д.Рогозиннің сапарының нақтылы маңыздылығын және екіжақты сипаттағы түрлі мәселелерді уақтылы шешудің қажеттілігін атап өтті», - делінген хабарламада.
Кездесу барысында әскери-техникалық ынтымақтастық, бірлескен өнеркәсіп кооперациясы, сондай-ақ екі елдің ғарыш саласындағы өзара ықпалдастығы мәселелері қаралды.
