• Басты
  • Эрмитаж күндері ЭКСПО-2017 мәдени бағдарламасына енеді
7 Желтоқсан, 2016 20:19

Эрмитаж күндері ЭКСПО-2017 мәдени бағдарламасына енеді

Қазақстан Республикасы Мәдениет және спорт министрінің орынбасары Ақтоты Райымқұлова Ресей Федерациясы Мемлекеттік Эрмитажының басшылығымен бірқатар екіжақты кездесулер өткізді.
Эрмитаж күндері ЭКСПО-2017 мәдени бағдарламасына енеді

Мәдениет және спор министрлігі хабарлағандай, кездесулердің барысында ЭКСПО-2017 Халықаралық көрмесі аясында Астанада Эрмитаж күндерін өткізу туралы келісімге қол жеткізілді.

ТМД мүше-мемлекеттерінің Үкіметаралық ассамблеяның 45-ші алқа отырысының жұмысына қатысу аясында Ақтоты Райымқұлова Ресей Федерациясы Мемлекеттік Эрмитажы бас директорының орынбасары Георгий Вилинбаховпен, сондай-ақ аты аңызға айналған ресей музейінің бас сақтаушысы-директор орынбасары Светлана Адаскинамен кездесті.

Әлемнің ең ірі көркемөнер музейлері бірінің өкілдерімен кездесу барысында ЭКСПО-2017 Халықаралық көрмесі аясында Астанада Эрмитаж күндерін өткізу мәселесі талқыланды.

Светлана Адаскинамен әңгемелесу барысында Қазақстан Республикасының Мәдениет және спорт вице-министрі Астанадағы ЭКСПОның мәдени бағдарламасы аясында Эрмитаж көрмелерін ұйымдастыру Қазақстан және Ресей арасындағы екіжақты ынтымақтастықтың дамуында тарихи оқиғаға айналатындығын айтып кетті.

«Эрмитаж – көрмелері әлемнің жүдеген залдарында орналасқан барша дүниежүзіне танымал өнер ордасы. Қазақстан елордасында өтетін халықаралық көрмеге Эрмитаждың қатысуы шара мәдени бағдарламасының негізгі оқиғаларының бірі болып, достас мемлекеттеріміздің рухани қарым-қатнастарының одан әрі күшеюіне септігін тигізетіндігіне сенімдімін», - деді Ақтоты Райымқұлова.

Өз кезегінде музейдің бас сақтаушысы Светлана Адаскина Эрмитаждың ЭКСПО-2017 бағдарламасына қатысу дайындығын растады. Сонымен қатар оның хабарлауынша, Қазақстанның әскери-тарихи музейімен бірлестікте Эрмитаж шығыс және батыс Еуропа қару-жарақтарының бірегей көрмесін өткізуді жоспарлап отыр.

«Алдағы уақытта Қазақстан Республикасының Ұлттық музейімен бірлесіп, Астанада көшпенділер тарихы, сақтардық алтыны туралы эспозиция ұйымдастыруды көздеп жатырмыз», - деп қосты С. Адаскина.

Еске салып кетсек, Ресей Федерациясы Мемлекеттік Эрмитажының күндері Қазақстанда алғаш рет 2015 жылы Қазақстан Республикасының Ұлттық музейінде өткізілген болатын. Ол кезде шара бағдарламасына лекциялар, семинарлар, шеберлік сағаттары, кездесулер мен музей саласы дамуының өзекті мәселелерін талқылау енді.

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды