Дактилоскопиялық тіркеу азаматтардың құқығын қорғауды қамтамасыз етеді - ІІМ

Дактилоскопиялық тіркеу ҚР азаматтары (12-ден  16-ға дейінгі жастағы балар үшін тілектері бойынша, 12 жастан кіші балалар  бұл тіркеуден өткізілмейді), шетелдіктер мен азаматтығы жоқ тұлғалар  үшін  міндетті.

Әлішер Мұхамедов, өз кезегінде мәліметтер базасының қорғалатындығын түсіндірді.

«Барлық ақпарат шифрланған электронды түрінде ІІМ қорғалған мәліметтер базасында сақталатын болады. Бұл оған бөгде адамдардың қолжеткізу немесе оны заңсыз пайдаланудың мүмкін еместігін  кепілдендіреді», - деді ол.

Дактилоскопиялық ақпарат Заңмен қатаң белгіленген келесі мақсаттарға ғана қолданылатын болады:соттардың, құқық қорғау органдарының, атқарушы өндірістік, тергеу,  жауап алу  органдарының сұрауы бойынша жеке басты растау немесе анықтау үшін; Шекара қызметімен – Қазақстан Республикасының Мемлекеттік шекарасын кесіп өткен тұлғаларды сәйкестендіру үшін;еліміздің аумағына шетелдіктердің келуін бақылау мен есепке алу үшін.

Сондай-ақ жаң жобасында тіркеуден бас тартқаны үшін келесі жауапкершіліктер қарастырылған:ҚР азаматтарына, шетелдіктер және азаматтығы жоқ тұлғаларға  геномдық тіркелуге өтуден бас тартқаны үшін 5 АЕК айыппұл;ҚР азаматтарына дактилоскопиялық тіркелуге өтуден бас тартқаны үшін 2 АЕК айыппұл;

ҚР-да тұрақты тұратын шетелдіктер мен азаматтығы жоқ тұлғаларға   тұру рұқсаттамасының күшін жою және айыппұл.

Естеріңізге саламыз, Елбасы 2016 жылғы 10 маусымда Қауіпсіздік Кеңесінің отырысында тапсырма берген болатын, ү.ж. 14 қарашасында ҚР Парламенті Мәжілісінің депутаттары «Дактилоскопиялық және геномдық тіркеу туралы» заң жобасын таныстырды.