Ақтөбеде мемлекеттік бағдарлама аясында 540 пәтерлі үш жаңа тұрғын үй салынды (ФОТО)
«Нұр Ақтөбе» жаңа шағын ауданында 540 пәтерлі №18, 36, 38 үйлердің құрылысы 2015 жылы басталып, 2016 жылғы қыркүйекте аяқталды.
«Бұл үйлер «Қолжетімді тұрғын үй», «Өңірлерді дамыту» мемлекеттік бағдарламалары аясында «ҚТҚЖБ» салым салушылары арасында тұрғын үй құрылыс жинақтары желісі бойынша, екінші жартысы жергілікті атқарушы органдарда кезекте тұрғандар арасында іске асырылады. Құны 1 шаршы метр үшін 100 мың теңгені құрайды», - делінген хабарламада.
Соңғы 5 жылда қаржыландырудың барлық көздері есебінен 2,3 млн шаршы метр тұрғын үй пайдалануға берілген, бұл облыстың 19 мыңнан астам отбасын тұрғын үймен қамтамасыз етуге мүмкіндік берді. Облыстың тұрғын үй құрылысына қаржыландырудың барлық көздері есебінен 163 млрд теңгеден астам инвестиция тартылған. Биылғы жылы кемінде 580 шаршы метр тұрғын үйді пайдалануға беру жоспарлануда.
