7 Желтоқсан, 2016 12:53

Қазақстанда Алғашқы медициналық-санитариялық көмек ұлттық ғылыми практикалық орталығы құрылады

2017 жылы Алғашқы медициналық-санитариялық көмек ұлттық ғылыми практикалық орталығы құрылады.Бұл туралы бүгін «Біріктірілген МСАК-тың инновациялық тәсілдері: Қызылорда, Маңғыстау облыстарындағы пилоттық жобаларды іс жүзінде жүзеге асыру тәжірибесі» атты Алматыда өткен Халықаралық конференцияда ҚР Денсаулық сақтау және әлеуметтік даму вице-министрі Алексйе Цой мәлімдеді.

Сөз басында ол Дүниежүзілік денсаулық сақтау ұйымына (әрі қарай - ДДСҰ) еліміздің денсаулық сақтау саласын дамытуға қолдау көрсетіп отырғаны үшін алғыс білдірді.

Сонымен қатар, Алексей Цой ҚР денсаулық сақтау саласын дамытудың 2016-2019 жылдарға арналған мемлекеттік бағдарламасының аясында МСАК деңгейінде әмбебап, әлеуметтік бағдарланған және қолжетімді көмекті құруға негізделген шаралар қабылданып жатқанын айтты. МСАК-тың әлеуметтік бағдарланған үлгісін енгізу – отбасылық денсаулық орталықтарын, профилактика мен әлуметтік-психологиялық көмек бөлімдерін құруға, МСАК штаттық нормативтеріне әлеуметтік қызметкерлер мен психологтарды енгізуге негізделген.

Бүгінгі таңда елімізде амбулаторлық-емханалық көмек көрсететін 2141 медициналық ұйым, МСАК деңгейінде 8525 дәрігер, 23230 орта медициналық қызметкер, 423 әлеуметтік қызметкер мен 1248 психолог жұмыс істейді.

Сонымен бірге, МСАК жұмысы созылмалы аурумен сырқаттанған адамдарға патронаж өткізу, МСАК жұмыс уақытында жедел медициналық көмектен МСАК-қа берілген шақыруларға қызмет көрсету барысында көмектесу мақсатында учаскелік терапевт пен педиатрға екінші мейірбикені енгізу арқылы жетілдірілді. Жалпы практика дәрігерлері үшін тіркелген тұрғындармен профилактикалық жұмыстарды (скринингтер, мақсатты топтарды құру, салауатты өмір салты мен аурулардың алдын алуға үйрету) жүргізу үшін үшінші мейірбике енгізілді.

«Республика бойынша амбулаторлық-емханалық көмек көрсететін ұйымдардың тіркеу жұмысының стандарттары жасалды. Дәрігердің қабылдауына, оны телефон, МСАК ұйымдарының веб-сайттары арқылы үйге шақыруға алдын ала жазылу жүйесі жұмыс істейді, пациенттермен кері байланыс қамтамасыз етілген. Қарт адамдар, жүкті әйелдер мен балалар үшін анықтама қызметі, бөлек тіркеу жұмыс істейді, емдеу, консультативтік және диагностикалық қызметтерге бағыттау барысында пациенттер ағымы реттелді. Сонымен қатар, кезекті азайту үшін емханалардың жұмыс істеу уақыты 20:00-ге дейін ұзартылып, дәрігерлердің қабылдауы 5 сағатқа дейін ұлғайтылды, қабылдау мерзімі 18:00-ге дейін жеткізілді», - деді Алексей Цой.

Дәрілермен тегін қамтамасыз ету 400-ден астам дәрі атауымен 49 нозология бойынша, оның ішінде 13 нозология республикалық бюджет есебінен, 36 нозология – жергілікті бюджет қаражаты арқылы жүзеге асырылады. Рецептілерді беру 3 айда 1 рет іске асырылады.

«Оның ішінде 2017 жылы МСАК Ұлттық ғылыми практикалық орталығы құрылады. Ол республикадағы МСАК ұйымдарының барлық қызметтерін бақылайтын болады. Халықаралық тәжірибеге негізделген нормативтік-құқықтық базаны жетілдіру; денсаулық сақтау саласының алғашқы звено деңгейінде біріктірілген кешенді медициналық-әлеуметтік және психологиялық көмекті дамыту; МСАК-тың барлық басшыларын міндетті әлеуметтік медициналық сақтандыруды енгізу жаңа жағдайындағы менеджментке оқыту; мейірбикелердің өздігінен жұмыс істеуі мен көпфункционалдылығын дамыту; АББ-ны енгізу; электрондық денсаулық паспортын жасау жалғасады», - деп түйіндеді Алексей Цой.

ҰСЫНЫЛАДЫ

Барлық жаңалықтар

дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды