Ақтөбе облысында колледж түлектерінің 93% жұмыспен қамтылған

Мемлекет басшысының тапсырмасы бойынша  өңірде тегін кәсіптік және техникалық білім алуға қолжетімділікті қамтамасыз ету бойынша жұмыс жүргізілуде. Бүгін облыста 41 колледж жұмыс істейді, соның ішінде 24 мемлекеттік, 17 жеке меншік, олар 89 мамандық, 139 біліктілік бойынша даярлықты жүргізеді.

«Жыл сайын 12 мыңға жуық адам аяқтайды, олардың 30%-ы жұмыссыз қалады. Біз оларға әр түрлі мемлекеттік бағдарламалар арқылы жұмысқа орналасуға көмек көрсетуіміз қажет. Бұл проблема кадрлардың қажеттігін нашар жоспарлаумен байланысты деп ойлаймын. Түлектер жұмыссыз қалмауы үшін шаралар қабылдау, сондай-ақ мектептердің, колледждердің, жоо мен кәсіпорындардың өзара іс-қимыл жасауы бойынша жұмысты күшейту қажет. Олар дуальды білім беру жүйесін енгізу бойынша бірлесіп жұмыс жасауы тиіс», - деп атап өтті Бердібек Сапарбаев.

Ақтөбе облысы білім басқармасының басшысы Сәуле Өмірбекова техникалық және кәсіптік білім берумен қамту 17,3%-ды құрайтынын, кәсіптік және техникалық оқу орындарында - 27 697 студент, соның ішінде мемлекеттік тапсырыс бойынша - 12 857, жұмысшы мамандықтары бойынша – 4205, орта буын мамандықтары бойынша 8652 адам білім алатынын хабарлады.

Облыс әкімі Бердібек Сапарбаев «Барлығына арналған тегін кәсіптік-техникалық білім беру» жобасын іске асыруға дайындық жұмысын күшейтуді тапсырды.