Н.Назарбаев Ш.Мирзиеевті Қазақстанға мемлекеттік сапармен келуге шақырды
5 Желтоқсан, 2016 20:12
Қазақстан Президенті Өзбекстан Республикасының сайланған президенті Шавкат Мирзиеевпен телефон арқылы сөйлесті, деп хабарлады Ақорданың баспасөз қызметі.
Нұрсұлтан Назарбаев Ш.Мирзиеевті президент сайлауындағы жеңісімен құттықтап, сайлауалды бағдарламасын іске асыру барысында оған табыс және мемлекеттік қызметте жаңа жетістіктер тіледі.
Мемлекеттер басшылары Қазақстан мен Өзбекстан ынтымақтастығының басымдығы бар бағыттары бойынша екіжақты қарым-қатынасты одан әрі жандандырудың маңыздылығын атап өтті.
Елдер көшбасшылары халықаралық күн тәртібінің және өңірлік қауіпсіздікті нығайтудың мәселелері жөнінде пікір алмасты.
Соңында Нұрсұлтан Назарбаев Шавкат Мирзиеевті Қазақстанға мемлекеттік сапармен келуге шақырды.
