Қазақстанның Қарулы Күштерінде жауынгерлік әзірлік мәселелері бойынша тактикалық-саптық сабақтар өтуде (ФОТО)

5 Желтоқсан, 2016 20:41

2017 оқу жылы ұйымдасқан түрде басталуы мақсатында Қазақстан Республикасының Қарулы Күштерінде желтоқсанның 2-і мен 9-ы аралығында жауынгерлік әзірлік мәселелері бойынша тактикалық-саптық сабақтар өткізілуде, деп хабарлады Қорғаныс министрлігі.

Тактикалық-саптық сабақтар «қарапайымнан күрделіге» қағидаты бойынша өткізілуде. Ең алдымен, бөлімшелер мен взводтар деңгейінде, әрі қарай роталар мен батальондар, әскери бөлімдер, өңірлік қолбасшылықтар (әскер тектері), содан кейін әскер түрлері деңгейінде және Қарулы Күштер ауқымында өтеді.

Бұл сабақтардың мақсаты жауынгерлік әзірліктің жоғары дәрежесіне келтіру және арналуы бойынша тапсырмаларды орындау барысында әскерлерді басқару кезінде басқару органдарының (щтабтардың) жұмыс жасау үйлесімділігін арттыру, Қарулы Күштердің хабардар етілу жүйесін тексеру, жасақтаушы жергілікті әскери басқару органдарымен, басқа да әскерлер және әскери құралымдармен әскери бөлімдердің өзара іс-қимылын ұстап тұру болып табылады.

2 желтоқсан күні Қазақстанның Қарулы Күштерінде «Қарулы Күштердің 25 жылдығына – жоғары жауынгерлік әзірлік!» ұранымен жаңа оқу жылы басталғанын естеріңізге сала кетейік.

Барлық жаңалықтар