Б.Сағынтаев ҚР-дағы Катар Мемлекетінің елшісімен кездесу өткізді
5 Желтоқсан, 2016 14:32
Үкімет Үйінде ҚР Премьер-Министрі Бақытжан Сағынтаев Қазақстан Республикасындағы Катар Мемлекетінің елшісі Ахмад Ат-Тамимимен кездесу өткізді, деп хабарлады primeminister.kz.
Кездесу қатысушылары сауда-экономикалық қарым-қатынастарды кеңейту және нығайту, катарлық делегацияның ЭКСПO-2017 Халықаралық мамандандырылған көрмесіне қатысуы мәселелерін, сонымен қатар Ислам ынтымақтастық ұйымы (ИЫҰ) аясындағы екі елдің өзара іс-қимылы мәселелерін талқылады. Ислам ұйымының Астанадағы штаб-пәтерімен бірге ИЫҰ азық-түлік қауіпсіздігі бойынша жұмыстарын ұйымдастыру мәселелеріне баса назар аударылды.
