5 Желтоқсан, 2016 10:36

Ақтөбе облысының Аққұдық ауылы көгілдір отынға қол жеткізді (ФОТО)

Ақтөбе облысы Хромтау ауданы Аққұдық ауылының 500 тұрғыны газға қол жеткізді, деп хабарлады облыс әкімдігі.

«ҚазТрансГаз» АҚ ұлттық операторы жергілікті пункттер мен Ақтөбе облысының газ реттеу жүйесін жаңғырту жөніндегі инвестициялық жобаларды жүзеге асыру аясында Хромтау ауданының Аққұдық ауылындағы ішкі газ тарату жүйесінің жұмыстары аяқталды.

Ауылда 11 км-ге созылған газқұбыры тартылып, 500 тұрғын газдандырылды. Бұл -126 жеке үй мен 9 коммуналдық-тұрмыстық және әлеуметтік нысан.

Облыс әкімдігі «ҚазТрансГаз» АҚ –мен орнатқан меморандумға сәйкес, өңірде барлық аудандық орталық газдандырылды, көгілдір отынмен 715 мың тұрғын қамтамасыз етілді. Инвестициялық қаражат есебінен Ойыл, Әйтеке би, Қос-Истек, Ырғыз, Үшқұдық ауылдарында 5,9 млрд теңгенің 293 км газқұбыры салынды.

2016 жылдың шілде айында бюджеттік қаражат есебінен Мәртүік ауданындағы Жайсаң ауылында 2014 жылы басталған газ құбырының құрылысы аяқталды.

Биыл Мәртүк, Жосалы, Қарғалы ауданының Кемпірсай, Байқадам, Шалқар ауданының Шетіргіз ауылдарында газбен қамту жобасын жүзеге асыру басталды.