ТЖМ-де жер қойнауы нысандарындағы пайдаланушыларды авариялық ақпараттандыру бойынша халықаралық конференция өтуде

10 Желтоқсан, 2013 15:28

Бүгін, 10 желтоқсанда Астана қаласы ҚР ТЖМ Республикалық дағдарыс орталығы ғимаратында «Жер қойнауын пайдаланушылардың объектілеріндегі авариялық хабарландыру, персонал мониторингі және үйінді астында қалған адамдарды іздеу мәселелерін кешенді шешу» тақырыбында халықаралық конференция өтуде, деп ведомствоның баспасөз қызметі хабарлады.

«Конференция келіссөз алаңында жақын және алыс шетелдердің тау-кен кәсіпорындарында қолданылатын заманауи авариялық хабарландыру жүйесін өндірушілер мен пайдаланушылардың кездесуіне жол ашады», - делінген хабарламада.

ҚР ТЖМ авариялық-құтқару қызметтерінің шахталар мен кеніштердегі авария салдарын жою тәжірибесінен авария кезінде адамдардың нақты тұрған орындарын білу адамдарды құтқару бойынша жұмыстарға, зардап шеккендерді тез табуға әсер ететін басты фактор екендігін көруге болады.

Конференция жұмысына Ресей Федерациясы, Украина, Ұлыбритания, Германия және Оңтүстік Африка Республикасының авариялық хабарландыру және персонал мониторингі жүйесін өндіруші фирмалардың өкілдері қатысады.

Конференция жұмысына Қазақстан Республикасы жағынан тау-кен өндіруші ірі компаниялар – «Қазақмыс Корпорациясы» ЖШС, «Казцинк» ЖШС, ENRC компаниясы, «АрселорМиттал Темиртау»АҚ, «Қазақалтын» ГМК» АҚ басшылары қатысуда.

Барлық жаңалықтар