Б. Сағынтаев пен Д. Рогозин Қазақстан мен Ресейдің мемлекет басшыларының кездесуіне дайындық мәселелерін талқылады
2 Желтоқсан, 2016 17:36
Астанада ҚР Премьер-Министрі Бақытжан Сағынтаев РФ Үкіметі Төрағасының орынбасары Дмитрий Рогозинмен кездесті, деп хабарлады primeminister.kz.
Кездесуге қатысушылар стратегиялық әріптестіктің басты бағыттары бойынша қазақстандық-ресейлік қарым-қатынастарды кеңейту және нығайту мәселелерін талқылады. Ағымдағы жылдың желтоқсан айының соңына жоспарланған Қазақстан мен Ресейдің мемлекет басшыларының кездесуіне дайындық мәселелеріне ерекше назар аударылды.
