Мемлекет басшысы жастарға Қазақстанның дамуының ауыр жолы жайында айтып берді

«Қазір осы залда мың жарымға жуық жас қазақстандық жиналған. Сіздер Тәуелсіздіктің құрдастарысыздар. Сіздер өткен кеңес уақыты туралы, сіздердің ата-аналарыңыз өмір сүрген жүйе туралы және Қазақстанның дамуы бастау алған сол бір кезең туралы білмейтін алғашқы ұрпақсыздар. Тәуелсіздік біз үшін ғана емес, әрқашан және барлық халықтар үшін қиын жолмен, ауыр еңбекпен келеді және Сіздер оны білулеріңіз қажет», - деді Мемлекет басшысы.

Н. Назарбаев жастарға 90-шы жылдардың қиын сәттері және ел дамуының ауыр жолы жайында айтып берді.

«Еліміздің ұлы азапты жолы гиперинфляцияны, жаппай жұмыссыздықты, өнеркәсіптік кәсіпорындардың тоқтауын, еңбекақы мен зейнетақының болмауын да қамтыды. Яғни, үлкен империяның бұрынғы жарқыншағы аман қалып, барлығына Қазақстанның барлық қиындықтан өте алатынын дәлелдеуі тиіс болды. Көпұлтты ел, ішкі тұрақсыздық, әлсіз экономика, біз мемлекет бола алмаймыз деген әр түрлі болжамдар болды. Алайда, біз керісінше дәлелдедік», - деді Президент.