Нұрсұлтан Назарбаев Қазақстанның жастар форумына қатысуда

1 Желтоқсан, 2016 11:06

Астанада ҚР Президенті Нұрсұлтан Назарбаевтың қатысуымен Қазақстанның жастар форумы өз жұмысын бастады.

Дәстүр бойынша Форум екі жылда бір рет өтеді. Бейбітшілік және келісім сарайында өтіп жатқан іс-шараға Қазақстанның барлық өңірлерінен белсенді, шығармашыл, жұмысшы, ғалым жастар, республикалық жастар ұйымдарының, азаматтық қоғам институттарының өкілдері санынан 1000-ға жуық адам қатысуда.

Жастар форумы аясында мемлекеттік жастар саясатын жетілдіру бойынша ұсынымдар қабылданып, мемлекеттік органдармен ынтымақтастықты нығайту бойынша қосымша тетіктер әзірленеді.

Сондай-ақ, форумға Парламент депутаттары, орталық мемлекеттік және жергілікті атқарушы органдардың басшылары, саяси партиялар мен кәсіподақтардың, Қазақстан халқы Ассамблеясының өкілдері, сондай-ақ жастар ұйымдарының өкілдері қатысуда.

Республикалық жастар форумының өткізілуі жастар мен жастар ұйымдарын дамыту үшін жаңа ынталандырма болатынын атап өту қажет.

Еске сала кетейік, бүгін Қазақстанда Тұңғыш Президент күні мемлекеттік мейрамы атап өтілуде.

Сурет Бауыржан Жуасбаев