Н. Ермекбаев Астанадағы жастар форумының делегаттарымен кездесті (ФОТО)
29 Қараша, 2016 20:23
Дін істері және азаматтық қоғам министрі Нұрлан Ермекбаев Астана қаласында үшкүндік республикалық форум аясында Қазақстанның белсенді жастарымен кездесті.
«Делегаттарға арналған боулинг, теннис, тимбилдинг бойынша конкурстар, сондай-ақ, концерттік шоу-бағдарламалар ұйымдастырылды. Жеңімпаздарға естелік сыйлықтар ұсынылды», - деп хабарлады Дін істері және азаматтық қоғам министрлігі.
Ведомствода хабарлағандай, ағымдағы жылғы 30 қараша және 1 желтоқсан аралығында Астана қаласында Қазақстанның 25 жылдық мерейтойына арналған Республикалық жастар форумы өтеді.
Форумның бағыты - Қазақстан Республикасы Тәуелсіздігінің 25 жыл ішінде жастар мен жастар саясатының жеткен жетістіктерін көрсету, қазақстандық жастардың «Қазақстан - 2050» стратегиясының міндеттеріне жету жолында жұмылдыру, Мәңгілік Ел құндылықтары аясында жастарды біріктіру.
