Қазақстан мен Түркия қорғаныс ведомствосының басшылары әскери ынтымақтастық мәселелерін талқылады
«Тараптар осыған дейін Анкарада өткен кездесу (Анықтама үшін: 2013 жылғы 18-22 қыркүйек аралығында ҚР Қорғаныс министрі Түрік Республикасында ресми сапармен болды) екіжақты өзара іс-қимылдың бағыттарын нақтылап, болашақтағы басымдықтарды неғұрлым айқындап бергенін атап өтті», - делінген хабарламада.
«Қазақстан мен Түркия арасындағы ынтымақтастық қазіргі таңда бауырлас елдеріміз басшыларының арқасында белсенді түрде дамып келеді. Түркия Қазақстанның Тәуелсіздігін таныған тұңғыш мемлекет. Алғашқылардың бірі болып, Қарулы Күштерді дамытудың әртүрлі аспектілері бойынша өз тәжірибелерін бөлісуге әзірлігін білдірген болатын», – деп Қорғаныс министрі Әділбек Жақсыбеков атап өтті.
Кәсібилендіру бүгінде Қазақстан әскері үшін өзекті бағыттардың бірі болып табылады. Осы бағытта Қазақстан әскери ведомствосы түрік әскерінің іріктеу жүйесін дамыту, шақыру, әскери персоналды есепке алу мен бағалау тәжірибесін зерделеуге мүдделі.
