Астық өндіру көлемін өсіру қажет – ҚР Премьер-Министрі

«Субсидияларға қатысты өте көп мәселелер орын алады. Өңірлерде субсидиялар соңына дейін таратылмайтынын көріп отырмыз. Субсидиялар беру тетігінің өзі пысықталмаған. Жыл басында таратып, алудың орнына, субсидияларды қажет ететін ауыл шаруашылығы тауар өндірушілері жыл бойы күтеді. Осы мәселені дұрыстап қарау қажет», - деді Премьер-Министр ауыл шаруашылығы министріне ҚР Үкіметінің отырысы барысында.

Ауыл шаруашылығы министрлігі ұсынған АӨК дамыту бағдарламасын талқылай отыра, ол шетелдік компаниялар көпжылдық келіссөздерге қарамастан, ауыл шаруашылығы техникасының құрылысы бойынша зауыттар ашуға мүдделі емес екенін атап өтті.

Астық экспорты мәселесін қозғай отыра, ол жеткізу көлемдері азайтылмайтынын атап өтті. Аудандар азайтылады, бірақ жаңа технологиялардың қолданылуымен өнім көлемі өсіріледі. Б. Сағынтаев барлық айтылған ескертулер мен ұсыныстарды ескере отырып, бағдарламаны мақұлдауды және жыл соңына қарай мемлекеттік органдармен және бизнес-қоғамдастықтармен келісіп, оны бекітуге енгізуді ұсынды.

«Айтылып отырған барлық сұрақтар ескеріледі. Барлық мүдделі тараптармен келісіп, келесі жылды жаңа бағдарламадан бастау үшін жыл соңына дейін уақыт бар», - деп қорытты Премьер-Министр.