Қазатомөнеркәсіп басшысы қытайлық әріптестермен ынтымақтастық мәселелерін талқылады

29 Қараша, 2016 15:17

«Қазатомөнеркәсіп» ҰАК» АҚ басқарма төрағасы Асқар Жұмағалиев ҚР Премьер-Министрінің бірінші орынбасары А. Мамин басқарған ресми делегация құрамында ҚХР-да жұмыс сапарымен болды.

Қазақстандық ұлттық атом компаниясының басшысы «CGNPC» бас директоры Чжан Шанминь (Zhang Shanming) және «CNNC» бас директоры Цзян Жиминмен (Qian Zhimin) келіссөздер жүргізді, - деп хабарлады ұлттық компанияның баспасөз қызметі.

Асқар Жұмағалиев қытайлық әріптестерімен атом энергетикасын дамыту саласындағы кең ауқымды мәселелерді талқылады. Тараптар компаниялар арасындағы ынтымақтастықты дамытудың жақсы қарқынын, уран өндіру, ЖБҚ зауыты құрылысы сияқты бірақатар бірлескен жобаларды іске асыру бойынша табысты жұмыстарды атап көрсетті.

Серіктестер сондай-ақ, Қытай арқылы уран тасымалдау, жоғары деңгейлі бөлістегі қазақстандық уран өнімдерін ҚХР-ға жеткізіп беруге қатысты пікір алмасты.

Келіссөздер қорытындысы бойынша Асқар Жұмағалиев әріптестерін «Астана ЭКСПО-2017» халықаралық көрмесіне қатысып, қазіргі заманғы технологияларды және атом энергиясын бейбіт пайдалану идеясын ілгерілетудегі қытайлық компаниялардың жетістіктерін көрсетуге шақырды.

Барлық жаңалықтар